ملخص كتاب متون الاهرام

كتاب متون الاهرام .. جمال الغيطانى 

اولا فكره تلخيص الكتاب زى ده مخله جدا .. لغه جمال الغيطانى الصوفيه الشعريه مختلفه تماما عن اللى هنكتبه

ثانيا الكتاب هو عباره عن اساطير عن الاهرام .. متداوله من زمان فى التراث الشعبى

المتن الاول  تشوف

قصه الشيخ تهامى .. مغربى الاصل رغم ان كلمه تهامى معناها من وديان تهامه او من مكه و الاتنين فى الحجاز
هو شيخ بيؤذن فى الازهر و بيبيع كتب جنب الجامع
بيرجع الكاتب لاصله فى المغرب و انه ازاى تتلمذ على ايد شيخ .. و فى يوم الشيخ ده سافر للحج .. لما رجع سأله التهامى عن اللى شافه فى الطريق .. و كان من ضمن اسألته عن الاهرام .. لكن الشيخ مجاوبش و مش معروف هل عن جهل ولا عن رهبه
قرر التهامى انه يسافر مصر علشان يكتشف بنفسه سر الاهرام .. و فعلا سكن جنب الاهرام و عرف و اكتشف كتير من اسرارها و مقايسيها لحد ما جاله شيخه فى المنام و قاله اوعى تسيب الاهرام و من يومها و التهامى لو مش بينظر للاهرام ببصره بينظر لها ببصيرته لا يتحول عنها ابدا
المتن الثانى  ايغال 

قصه عن سبع اصحاب قرروا انهم يدخلوا الاهرام .. و ازاى بداوا التجهيز و بيوصف الكاتب رحلتهم جوا الاهرام و سراديبها بصوره غايه فى الروعه.. و ان ازاى الزمان و المكان جوا الاهرام مختلفين و انهم متوقعين انهم يخرجوا فى زمن تانى .. و قصص عن ناس خرجت من الاهرام بعد زمن طويل و فى اماكن بعيده 

حصلهم حاجات كتير جوا فقدوا واحد من زمايلهم و اضطرتهم السراديب انهم ينقسموا مجموعتين .. و كمل جمال الغيطانى مع المجموعه اللى فيها القائد و حكى ازاى وصل لنور ساطع و انه وصل للسر .. منتصف الهرم . و لما وصل اختلطت ذراته بهذا الضوء و فنى فيه
المتن الثالث تلاش تحكى عن اسلاف لعائله من متسلقين الاهرام .. و العيله كان عندها ابن وحيد .. رغم انهم خايفين عليه الا انهم علموه تسلق الاهرام .. و الولد حقق ارقام سرعه قياسيه و شهرة عالميه .. الا انه كان بيحب الاهرام و مرتبط بيها و بيدور على معنى ورا البناء ده .. و كان منبهر بحكايات عن جده اللى قعد شهر فوق قمه الهرم من غير ميه ولا زاد و جده التانى اللى دخل الهرم و ظهر بعدها ب٢٤ سنه
و فى ساعه فجر فى يوم لقاه ابوه بيستعد انه يطلع الهرم .. و يقال انه لبس قميص الاجداد و عكس ضوء الشرق بمجرد ما وصل للقمة  .. ولم يعد
المتن الرابع ادراك الحكايه عن الخليفة المأمون لما جه يخمد الفتنه فى مصر انبهر بالاهرام و قرر انه يعرفها و يدركها .. فاستدعى المعلم ابو شحته المشهور بدقه قياساته .. اخد ابو شحته اول يوم يقيس و استأذن الخليفه فى يوم تانى .. و بعدين بلغه انه عمره ما شاف الدقه دى فى البناء و ان الاضلاع متساويه هندسيا بالظبط
طلب منه المأمون يقيس الاضلاع من القمه .. اخد معاه دليل و طلع للقمه و بعد  ٣ ايام نزل الدليل لوحده و قال انه غاب عنه ناحيه الغرب للحظه فافتكره بيستريح لكن ملقاهوش فنزل خايف .. فأمر الخليفه باطلاق نفير الرحيل
المتن الخامس نشوة هى : جميله اجنبيه بتتكلم عربى .. تعرف كل الناس تقريبا عند الهرم و كل الناس بتحبها
 هو: من ادلاء الهرم بيدخل الناس جواه ، مش متجوز اتعرض عليه كتير السفر و فرص لحياه افضل لكنه كان بينفذ وصيه ابوه انه يفضل جنب الاهرام
فى يوم استغرب اهل المنطقه انه بيدخلها الهرم .. وقالوا انهم كانوا زى المسحوبين ورا النداهة .. و جوا الهرم وقفوا قصاد بعض و اشتعلت النشوة و فضلت تتصاعد لدرجه ميقدرش اجسامهم تتحتملها .. بدأت اطرافهم تسود لحد ما تحولوا لرماد
المتن السادس ظل

جاء من سمرقند او خوارزم .. عاش بين اهل النزله .. كان بيراقب طول النهار ظل الهرم ..كان منتظر انه يوصل لشجرة معينه ..كان معتقد انه لو شهد اللحظه دى هيتكشفله اسرار الاهرام ..  فضل سنين يراقب لحد ما فى يوم صحى اهالى المنطقه على صرخته .. اللحظه جت لكن هو مشافهاش .. كانت فى الليل .. لان زى ما للشمس ظل فللقمر ظل و للنجوم ظل .. ازاى عرف ؟؟؟ محدش يعرف
المتن السابع ألق كان جاى من الشرق للغرب .. طالع الهضبه بين الهرم الاكبير و الاوسط .. شاف ضوء .. مش ضوء الشمس .. مش عارف مصدره .. ألق .. مد خطوته .. خرج من جسمه و دخل فى النور .. معرفش يبص وراه علشان يعرف ايه اللى حصله بالظبط
المتن الثامن صمت الاهرام الثلاثه .. بناها ع اخوات .. لها سحر يحمى المكنون و يمنع الفاحشه جواها .. صمت .. بيبص ناحيه الغرب ولا يميل 

المتن التاسع رقصهموسيقى لا منبع لها .. نابعه من الهرم و محيطه به .. تمثل انوثتها الكونيه ..رقصها .. وتفردها
المتون التاليه  كلمات قليله
المتن ال ١٣ و ال١٤ .. " كل شئ من لاشئ " و هى كلمه ذكرت فى المتن الاول   

 
نظره فى متون الاهرام
هل هى روايه .. ولا قصص قصيرة .. ولا قصيده شعريه نثريه ؟
الاجابه.. كلهم
اولا هى قصيده شعريه لان اللغه المستخدمه فيها هى لغه شعريه صوفيه الى اقصى حد
ثانيا قصص قصيرات لانها استخدمت اسلوب القصه القصيره اللى بيكون محورها موقف او حدث معين .. علشان يحكى الاساطير المتناقله عن الاهرام بين الشعب المصرى
ثالثا روايه .. لانه فى مجملها فيها وحده عضويه .. الاهرام و المصريين .. قصه حب متبادله ما بينهم .. اندماج و مناجاه مستمره .. اغلب القصص من غير ما يتحددلها زمن معين لان القصه الحب ارتبطت بوجود الاتنين مع بعض .. الاهرام و المصريين من بدايه الزمن
لو بصينا لعناويين هنلاقى انها قصه حب .. تبدا بالتشوف .. النظر و عدم القدره على الالتفات .. ثم الايغال و التهور الصبيانى و الجرأه .. ثم التلاش كل فى الاخر و الوحده .. و بعدين بنلاقى حالات للحب الادراك العقلانى .. النشوه الجنسيه .. ثم كيف نحب الاهرام بكل حالتها الظل الالق الصمت الرقصه
يمكن عناوين المتون التسعه الاولى بتبين ان المصريين احبوا الاهرام بكل اشكال الحب .. فلا اعتقد ان فيه حد ممكن يذكر شكل تانى للحب غير دول
بنلاقى ان اول متن هو الاطول .. و مع التقدم فى الكتاب بتقل عدد صفحات المتون لحد ما نوصل للمتن العاشر اللى بقى مجرد سطر و بدون عنوان و الى المتن الرابع عشر اللى هو مجرد كلمه واحد .. لاشئ
اعتقد ان الكاتب يقصد هنا قد ايه الكلمات بقت مش معبره مع تقدمه فى الكتابه و ان الحاله اللى استفاض فى شرحها فى المتن الاول اكتشف ان الكلمات مش قادره تعبر عنها فى المتن الاخير
الى جانب ان المتن الثالث عشر " كل شئ من لاشئ " و هى كلمه مذكوره فى المتن الاول .. يمكن يقصد الكاتب ان القصه الحب بتعيد نفسها بلا نهاية و يمكن ده الل يقصده بالمتن الحادى عشر " البدايه نقطه و النهاية نقطه "   

لماذا اعتقدوا ان الارض كرويه ؟؟

تاريخيا الموضوع بدأ من ارسطو اللى لاحظ حاجات بسيطه تثبت كرويه الارض .. منها مثلا ان الشراع بتاع المركب بيظهر قبل جسمها .. و ان الخريطه النجوم بتتغير لما بنغير مكاننا .. يعنى كل ما نغير مكاننا بتظهر نجوم و تختفى نجوم .... و ان افق البحر بيكون الى حد ما محدب لما نبصله من مكان عالى .. طبعا دى ملاحظات بسيطه جدا و مش رياضيه
لكن ارسطو قدر يثبت بيها كرويه الارض 

لحد ما جه العالم السكندرى العظيم ايراتوثينس  من حوالى 200 سنه قبل الميلاد او اكتر .. قرأ فى كتاب ان يوم 21 يونيو فى اسوان .. الحاجات مبيبقلهاش ظل لما توصل الشمس لاعلى نقطه فى السماء
طبعا دى معلومة عاديه لكن ايراتوثينس فكر ان فى نفس اليوم ده فى اسكندريه .. بيبقى فيه ظل عادى .. فبعت واحد يتأكد من المعلومه دى و بالمره يقيس المسافه من اسكندريه لاسوان .. اما ايراتوثينس ففى نفس اليوم ده قاس الظل بتاع مسله موجوده فى اسكندريه علشان يتأكد
و قال ان الزاويه اللى عملها الشعاع مع المسله بتساوى الزاويه بتاعت القوس اللى بين القاهرة و اسكندريه (بالتقابل بالرأس )
و بكده قدر يحسب ان المسافه من القاهرة لاسكندريه دى 1/50 من محيط الارض 

يعنى عموما بشويه معادلات رياضيه قدر يقيس محيط الارض 

الخطوه اللى بعدها كانت من المسلمين اللى حبوا يتأكدوا من القياس .. فاستخدموا الفلك .. و استخدموا نجمه اسمها النجم القطبى
النجم القطبى هو نجم ثابت فى السماء تقريبا مبيتحركش او حركته بسيطه جدا جدا ... النجم ده لو انت موجود فى القطب الشمالى من الارض هيكون موجود فى دماغك بزاويه 90 درجه بالظبط .. علشان كده اسمه النجم القطبى

طيب لو اتحركت بعيد عن المركز ... هيبقى مايل بزاوية .. و كل ما تبعد عن المركز الزاويه دى هتزيد

و دى صورة بتبين مسار حركه النجوم
النجم القطبى هو اللى فى نص الدواير دى .. تقريبا حركته غير ملحوظه  

فالمسلمين استخدموا الحقيقه دى و قاسوا الزاويه بتاعت النجم القطبى من مكان .. و بعدين بدأوا يتحركوا ناحيه الشمال و يقيسوا المسافة ... لحد ما لقوا ان زاوية النجم القطبى ارتفعت درجه واحد  .. شافوا المسافه اللى وصلوا ليها قد ايه و ضربوها فى 360 درجه بتوع الدايره .. قدروا يوصلوا لمحيط الارض

و كان فيه محاولات كتير .. و قياسات كتير بعدها .. ابرزهم البيرونى 

النجم القطبى .. دليل كرويه الارض

ازاى بنشوف السما بليل ؟؟
لو بصينا على السما بليل هنلاقى نجوم .. الفلكيين قسموها لمجموعات .. كل مجموعه نجوم اسمها كوكبة .. و بيبقى غالبا ليها شكل معين .. لو احنا بصينا على مجموعه او كوكبه واحده من كوكبات النجوم دى و لاحظناها من اول الليل لاخرة هنلاقى انه الكوكبه دى تتحرك من الشرق للغرب زى الشمس بالظبط .. كل شئ فى السماء بيتحرك من الشرق للغرب ماعدا نجمه واحده بس .. هتقدر تشوفها لو انت فى النصف الشمالى من الكره الارضيه .. النجمه دى اسمها النجم القطبى

الصورة دى اتصورت بطريقه التعريض ... بمعنى انه بيسيب عدسه الكاميرا مفتوحة لفتره طويله ... و بالتالى بيصور مدار النجوم .. هنلاقى هنا ان كل النجوم بتتحرك حركه دائرية
ماعدا نجمه موجوده فى النص .. اللى اسمها النجم القطبى

على النقيض فى النص الجنوبى من الكرة الارضيه مفيش نجمه بتدور حواليها باقى النجوم .. لكن فيه نقطه بنسميها القطب السماوى الجنوبى برضه بنفس الطريقه بتدور النجوم على مدار الليل حوالين القطب الجنوبى السماوى



و بناء على الحقائق دى
- السماء ليها قطب شمالى ( النجم القطبى ) بتدور حواليه النجوم
- السماء ليها قطب جنوبى بتدور حواليه النجوم
- النجم القطبى ( الشمالى ) نقدر نشوفه بس فى النصف الشمالى من الكره الارضيه
- القطب الجنوبى و النجوم القريبه منه نقدر نشوفهم بس من النصف الجنوبى للكره الارضية
 مش هيبقى فيه غير نموذج واحد بس هو اللى نقدر نحطه .. و هو ان الارض كرويه .. لان مفيش اى شكل تانى يقدر ينسق كل الحقايق اللى بنشوفها فى السماء كل ليله

ملخص كتاب المعارك الموسيقيه

الكتاب بيحكى عن معارك موسيقيه تمت فى اوروبا بين اتجاهات موسيقيه ..  ال 3 معارك مكانهم فرنسا .. و الكاتبه رتبتهم زمنيا 

اولامعركة القرن 17 و سمتها معركة المهرجين .. و الوقت ده فى فرنسا هو وقت المعارك الفلسفيه و الادبيه اللى انتهى بالثورة الفرنسية 

كان فى فرنسا اتجاهفلسفى بيقوده جان جاك روسو .. بيقول ان المدنيه افسدت طبيعه الانسان الجميله و ان الحل و العودة للطبيعة .. و سبقه فى الاتجاه ده الموسيقى رامو لكن الاختلاف بينهم كان ان رامو بيستمد الموسيقى من اصوات الطبيعه المتجانسه نفسها .. اما روسو فكان عايز الموسيقى تعبر عن الطبيعه الاولى مش تستمد منها
الاختلاف الصغير ده كان هو اساس المعركه اللى تمت فى الوقت ده فى فرنسا بين الاتجاه الفرنسى اللى بيقوده رامو و بيعبر فيه عن موسيقى الاوبرا القوميه الفرنسيه المعقده .. و بين فرقه وافده من الايطاليين مسماه المهرجين .. اللى كان بتعزف موسيقى مرحه و اوبرات فكاهية بتعبر عن الطبيعه زى ما بيشوفها الفلاسفه الطبيعيين .. و الكاتبه شايفه اننا مينفعش نقارن بين الاتجاهين الموسيقيين دول لان واحده فيهم خفيفه و سهله و التانيه مركبه و معقده ..و بالتالى مفيش مجال للمقارنه لاننا قدام نوعين مختلفين اصلا 

المعركه التانيه القرن ال18

ممكن نعتبرها امتداد للمعركه اللى فات .. طرفيها هما جلوك ( الجرمانى ) و بوتشيللى (الايطالى) .. بدأت الكاتبه ( المتحيزة غالبا للاتجاة الفرنسى ) بجلوك اللى بدأ حياته كموسيقى عادى فى النمسا .. كان متميز لكن مكانش ليه منهج معين لحد ما وصل