جومو كانياتا
اتكلم الكاتب فى البدايه عن الزعيم كانياتا .. اللى كان اللسان اللى بيدافع عن الكينيين .. هو من قبيله كيوكويو و اتسمى جونسون الاول ..و كان بيقرا كتير الى جانب طبعا ثقافة قومة .. شارك فى جمعيات تبع قبيلته .. و الجمعيه دى بعتته لندن علشان يعرض قضيه كينيا هناك .. فراح درس الانثروبولوجيا و كتب كتاب عن قبيلته ودافع عن القضيه الكينيه و بعدين رجع علشان يستقر فى كينيا
بعد الحرب العالمية الثانيه نظم حزبة نفسة و اعلن انه اتحاد كينيا الافريقى فاعتقلت بريطانيا كانياتا و نائبه و قفلت المدارس ,, و انطلقت ثوره ماو ماو ..ورغم مرافعه كانياتا العظيمة الا انهم حكموا عليه بالسجن و بعد ما قضى فترة العقوبة كانت الحكومة جهزت له معتقل فى قرية منعزلة قريبه من حدود السودان.
قصه استعمار كينيا
قصه استعمار كينيا
لما اكتشف البرتغاليين طريق رأس الرجاء الصالح شافوا شرق افريقيا (مكنش لسه اتقسم دول ) و كان بيحكمه المسلمين و كان متحضر جدا .. فسيطروا على المراكز العمرانيه من غير ما يدخلوا جوة اوى .. الامام المسلم فى عمان بعدها قدر يسترد شرق افريقا و خلى عاصمتها زنجبار .. بعد فتره فى منتصف القرن التاسع عشر .. الخلاف بين اتنين من ورثه العرش خلاهم يدخلوا الانجليز بينهم .. و بعدهم كمان ضعف الحكام المسلمين خلى انجلترا تدخل اكتر واكتر .. فى البدايه عن طريق نقط ساحليه و بعدين توغلوا اكتر
و فى بدايات 1870 كانت قوه المانيا بتزيد فبعتوا واحد متخفى اسمى ليبتز علشان يوقع معاهدات مع رؤساء القبائل الافريقيه يبيعوا فيها ارضهم .. و اغلب الظن ان الزعماء دول مكانوش عارفين هما بيوقعواعلى ايه اصلا .. و بعد ما اعترضت الدول على اللى عملته المانيا وصلوا ل ان زنجبار للسلطان المسلم .. ام الشريط الساحلى و الاراضى الداخليه فالجزء الشمالى منها من نصيب انجلترا و الجزء الجنوبى من نصيب المانيا . و بعد الحرب العالميه الاولى استولت انجلترا على الجزء الالمان كمان
المرتفعات البيضاء
تضاريس كينيا بتقسمها ل 3 مناطق .. لمرتفعات الداخليه و دى بارده و شبه الجو الاوروبى .. و الهضبه و دى مليانه امراض و اوبئه .. و السهول
لما بدأ الاوروبيين يتوافدا على كينيا عجبهم طبعا الجو فى المرتفعات و حسوا انه منطقه اوروبيه فى قلب افريقيا .. و الاستعمار ده بيكون أسواء من الاحتلال .. لانه مش بس بيسرق الثروات لكن كمان بيعمل تفرقه عنصريه و بيظلم الاهالى و بيمنع التنميه .. فطبعا المستعمر لاوربى (( المتحضر جدا )) استولى على ارض الكينيين بالقوه و عشان يحمى نفسه منهم قعدهم فى جزء سماه المعازل و دى 4% من مساحه كينيا .. و لانه محتاج ايدى عامله فى ارضه و مراعيه للى استولى عليها فكان بيخرج بعض الكينيين يشتغلوا عندهم بتصاريح للخروج من المعازل .. و مش محتاجين نقول ان ازاى الامراض انتشرت فى المعازل علشان الكثافه السكانيه و ان الارض فيها مبقتش قادره على الزراعه لانها بقت تستهلك كتير جدا ..و ده خلى عدد الكينيين يقل للثلث
لما بدأ الاوروبيين يتوافدا على كينيا عجبهم طبعا الجو فى المرتفعات و حسوا انه منطقه اوروبيه فى قلب افريقيا .. و الاستعمار ده بيكون أسواء من الاحتلال .. لانه مش بس بيسرق الثروات لكن كمان بيعمل تفرقه عنصريه و بيظلم الاهالى و بيمنع التنميه .. فطبعا المستعمر لاوربى (( المتحضر جدا )) استولى على ارض الكينيين بالقوه و عشان يحمى نفسه منهم قعدهم فى جزء سماه المعازل و دى 4% من مساحه كينيا .. و لانه محتاج ايدى عامله فى ارضه و مراعيه للى استولى عليها فكان بيخرج بعض الكينيين يشتغلوا عندهم بتصاريح للخروج من المعازل .. و مش محتاجين نقول ان ازاى الامراض انتشرت فى المعازل علشان الكثافه السكانيه و ان الارض فيها مبقتش قادره على الزراعه لانها بقت تستهلك كتير جدا ..و ده خلى عدد الكينيين يقل للثلث
كينيا .. ارض اللجان الملكية
اتسمت كده علشان المملكه البريطانيه حولت المشكله الكينييه من قضيه بشر مضطهدين لمجموعه من اللجان و التصريحات لتهدئه الشعوب المظطهده ..و الوضع لحد 1952 كان هكذا : الاوربيين ليهم اماكنهم الخاصه فى المرتفعات .. الاسيويين ( اغلبهم هنود ) اللى كانوا بيشتغلوا عمال لمد السكه الحديد ليهم اماكنهم الخاصه و الافارقه فى المعازل .. و رغم التوصيات الملكيه و الحملات الافريقيه( زى كينياتا ) كانت الحكومه بتحابى البيض .. و فى وقت قرر البيض انهم يعملوا حكم ذاتى فعملوا مجلس تشريعى و تنفيذى مقتصر على البيض .. و بعد ضغط اسيوى تم تمثيلهم هما كان بعضو واحد .. و بعدين 5 اعضاء مقابل 11 اوربى .. و بعدين خلوا الاوربيين 18 مقابل ان واحد منهم يمثل مصالح الافارقه لحد ما سنه 44 كان اول دخول لافريقى فى المجلس التشريعى و بعدين زادعددهم لاربعه يعينهم الحاكم و اخيرا سنه 52 تم تعديل المجلس علشان يبقى 28 عضو منهم 6 افارقة و المجلس التنفيذى 12 عضو واحد منهم افريقى
ثوره ماو ماو
فى نهايد سنه 52 بعد ما بعتت الحكومه وفد لوزير المستعمرات البريطانى .. رجعت كينيا باجرائات مجحفة .. بتقيد الصحف و بتمنع التجمهر و بتجرم اى جمعيات افريقيه (رغم رفضها للعنف ) وفى اكتوبر قبضت على كينياتا و اعضاء الاتحاد الافريقى تحت مسمى ثوره ماو ماو .. وده حسب ما يقولوا قسم بيقسمه الافارقة لا يمكن حلة ..و يعتقد ان الاسم ده اطلقه الاوربيين على ناس ثائرين فى الجبال الافريقيه
اتحاد كينيا اصدر مجموعه توصيات لحل الازمة .. منها الغاء اتفرقه العنصرية .. ايقاف الهجرة الاوروبية ..تمثيل الافارقه بصوره افضل فى المجالس الحكوميه و اعطاءهم الفرصه للدخول فى الخدمه المدنية و العسكرية
لكن الحكومه استجابت لمطالب دى بصوره عكسيه .. فكانت بتدمر القرى و بتقتل المواشى لو اهل القريه مدلوش على الثوار .. و بعد الحل العسكرى لجأت لحل دينى انهم جابوا ساحر علشان يحل الكينيين من القسم بتاع الثوره و بعد ما وصل عدد المعتقلين80 الف سنه 95 ... بقى عند الحكومه مشكله اكلهم فحاولوا يشغلوا المعتقلين .. لكن ده خلى فيه تصادمات فى السجون.. و قتل لعدد كبير .. المصادر الافريقيه بتقول ان اتقتل فى الثوره 30 الف شخص ..و الاوربيين بيقولوا 3 الاف و عائلات كتير جدا اتشردت
ما بعد الثور حتى مؤتمر لندن سنه 60
بعد الثوره ظهر زعيم جديد هو مبويا علشان يكمل مسيره كنياتا .. وظهر دستور جديد رفضه بعض المستوطنيين و خلاهم يعملوا احزاب بتمثل اتجاهتهم زى
- حزب الكينى البريطانى الامبراطورى .. وده فيه مستوطنيين متطرفيين
-حزب الاستقلال الفيدرالى و شايف اننا نقسم كينيا بين الطوائف
- حزب القطر المتحد شايف ان المفروض يكون فيه حومه ممثل فيها كل الطائف و عليها سياده اوروبيه
و بعد مطالبات و مؤتمرات نوصل لمؤتمرلندن 1960 اللى ضم افارقه وممثلى بريطانيا و كينيا و مستوطنيين و انتهى المجلس ل :
جدول نتخابى موحد بيضم مواطنين على درجه معينه من الثقافة .. اغلبيه مجلس التشريه للافارقه 37 من اصل 65 .. ان يبقى للافارقه عدد من الوزارات .. الغاء نظام حيازة الارض القائم على التفرقه لعنصريه
و رغم اعتراض الافارقه و المستوطنيين على امؤتمر لالا انه بيعتبر خطوة مهمه فى رحله كفاح كينيا للاستقلال
No comments:
Post a Comment